രാഗം:
താളം:
ആട്ടക്കഥ:
കഥാപാത്രങ്ങൾ:
സാഹസങ്ങൾ ചെയ്തിടൊല്ല സാമ്പ്രതം നീയവൻ
സംഹരിക്കും നിന്നെക്കണ്ടാൽ എന്നറിക
വൃത്രവൈരിപുത്രനാകും ബാലിയല്ലോ കപി-
സത്തമനവനധികശക്തിശാലി!
പംക്തിമുഖന്തങ്കലേക്കാൾ നിങ്കലല്ലൊ കോപം
ശങ്കയില്ലവനു പാർക്കിൽ സംഗതികൾ.
മായകൾ ഫലമില്ലേതുമായമവനോടപ്ര-
മേയശക്തികളിലൊരുപായമില്ല;
കുണ്ഠിതപൊട്ടുമേ ചിത്തേ വേണ്ടാ അവന്റെ ശക്തി-
കൊണ്ടുള്ളൊരു കഥയിന്നു കേട്ടുകൊൾക!
പണ്ടു ഞങ്ങൾ കണ്ടിരിക്കെത്തന്നെത്താനേ കരം-
കൊണ്ടുധധിമഥനത്തെച്ചെയ്ത വീരൻ,
കൊണ്ടൽവർണ്ണൻതാനും ശിതികണ്ഠനോടുകൂടി
കണ്ടുനിന്നു രസിച്ചേതും മിണ്ടിയില്ലാ
വൈരിശക്തി തങ്കൽ പാതിപോരുമെന്നു നല്ല
സാരമൊരു വരം കൂടെയുണ്ടെന്നറിക
എന്നതുകൊണ്ടിവയെല്ലാം ചിന്തിയാതെ ചെന്നു
എന്മകനേ, സാഹസങ്ങൾ ചെയ്തീടൊല്ലാ.
താതനെന്നപോലെയെങ്കൽ പ്രീതിയുള്ള തവ
കൈതൊഴുന്നേൻ കാര്യമുരചെയ്തവണ്ണം
അരങ്ങുസവിശേഷതകൾ:
പതിവില്ല.