രാഗം:
താളം:
ആട്ടക്കഥ:
കഥാപാത്രങ്ങൾ:
കേട്ടാലും ഘോരമാം കാട്ടിൽ വെച്ചു രക്ഷോ-
രാട്ടായ രാവണനാൽ, സീത
മുഷ്ടയായ്ത്തീർന്നിതെന്നിട്ടു വിപിനത്തി-
ലൊട്ടുക്കങ്ങന്വേഷിച്ചു രഘുവരൻ
തമ്പിയോടൊന്നിച്ചു പമ്പാതീരം പുക്കു
വമ്പനാം സുഗ്രീവനെക്കണ്ടു
അമ്പോടു സഖ്യവും ചെയ്തു കപികുല-
ഗംഭീരന്മാരോടൊത്തു രഘുവരൻ
സിന്ധുമദ്ധ്യേ സേതുബന്ധിച്ചു ലങ്കയി-
ലന്തരമെന്യേ ചെന്നു, ദശ-
കന്ധരൻ തന്നെ തൽ ബന്ധുക്കളോടൊത്തു
ഹന്ത! ഹനിച്ചു വീരൻ രഘുവരൻ
ദേവൻ വിഭീഷന്നേകി ലങ്കേശത്വം
പാവക ശുദ്ധയാകും സീതാ-
ദേവിയെ കൈക്കൊണ്ടു ദേവയാനമേറി
ഏവരുമൊത്തു പോന്നു രഘുവരൻ
രാമാഭിഷേകം കണ്ടീടുവാനേവരും
കാമിച്ചു വന്നതത്രേ കപി-
സ്തോമത്തിലേകനീ രാമദൂതനഹം
നാമം ഹനൂമാനെന്നും ധരിച്ചാലും