രാഗം:
താളം:
ആട്ടക്കഥ:
കഥാപാത്രങ്ങൾ:
അഗ്രജ കുരൂദ്വഹ സമഗ്രബല! പോക നാം
വ്യഗ്രത വെടിഞ്ഞിതില്‍ ഉദഗ്രതരപൌരുഷം
അത്ര ഖലു നമ്മുടയ ശത്രു വാഴുന്നതും
എത്രയുമയുക്തതരമത്രേ നിനക്കിലോ.
ഇത്ര ബഹുചിത്രമാം ഇസ്ഥലത്തില്‍ സിത-
ച്ഛത്രമൊടിരിപ്പതിനു പാത്രം ഭവാന്തന്നെ.
ദുര്‍മ്മതികളായിടും ധര്‍മ്മതനയാദികടെ
ദുര്‍മ്മദമടക്കിയിഹ ശര്‍മ്മമൊടു വാഴണം
അർത്ഥം:
ജേഷ്ഠാ, കുരുശ്രേഷ്ഠാ, സമഗ്രബലാ, വ്യഗ്രത വെടിഞ്ഞ് പൌരുഷത്തോടുകൂടി അതിലേയ്ക്ക് നമുക്ക് പോകാം. അവിടെ നമ്മുടെ ശത്രുവാഴുന്നത് വിചാരിച്ചാല്‍ എത്രയും അയുക്തതരമാണന്ന് ഉറപ്പ്. ഇത്ര ബഹുചിത്രമായ ഈ സ്ഥലത്തില്‍ രാജ്യാധികാരത്തോടെ ഇരിക്കുവാന്‍ യോഗ്യന്‍ ഭവാന്‍ തന്നെ. ദുര്‍മനസ്സുകളായ ധര്‍മ്മപുത്രാദികളുടെ ദുര്‍മ്മദം അടക്കി ഇവിടെ സുഖത്തോടെ വാഴണം.