രാഗം:
താളം:
ആട്ടക്കഥ:
കഥാപാത്രങ്ങൾ:
അരുതരുതു ചാപലമിദം അയിബാല
അരുതരുതു സാഹസമിദം
പരിതാപഹേതു പര പരിഹാസമെന്നറിക
പരിചിനോടടങ്ങീടുക സോദരാ വൃകോദര
അർത്ഥം:
അരുത്, ഈവിധം ചാപല്യം അരുത്. അല്ലയോ ബാലാ, അരുത്, ഈവിധം സാഹസം അരുത്. പരപരിഹാസം ദു:ഖകാരണമാണെന്ന് അറിയുക. സോദരാ, വൃകോദരാ, അടങ്ങുക.
അരങ്ങുസവിശേഷതകൾ:
ധര്‍മ്മപുത്രന്‍ ഇരുന്നുകൊണ്ടുതന്നെ പദം ആടുന്നു.
ഭീമൻ, ധര്‍മ്മപുത്രന്റെ വാക്കുകള്‍ ശ്രവിച്ച്, അനുസരിച്ച് വന്ദിക്കുന്നു.
ധര്‍മ്മപുത്രന്‍:(അനുഗ്രഹിച്ചശേഷം) ‘ഇനി മേലില്‍ ഈവിധമൊന്നും പ്രവര്‍ത്തിക്കരുത്.
ഭീമന്‍ അനുസരിച്ച് കെട്ടിച്ചാടി കുമ്പിടുന്നു. ധര്‍മ്മപുത്രന്‍ അനുഗ്രഹിക്കുന്നു.