രാഗം:
താളം:
ആട്ടക്കഥ:
കഥാപാത്രങ്ങൾ:
നികൃത്തകുചനാസികാം നിശിചരീം നിരസ്യാനനാ
നിരുദ്ധമമരാംഗനാനികരമഞ്ജസാ മോചയൻ
നിവൃത്ത്യ സമരാങ്കണാൽ സ ഖലു നിർജ്ജരേന്ദ്രാത്മജോ
നിപത്യ ചരണേ പിതുർന്നിഖിലമേതദാവേദയൽ
ദേവരാജ, നമാമി ജയന്തോഹം താവകേ ചരണേ
ദേവവൈരിനിഷൂദന, കേൾക്കണം
കേവലമിഹ വാചമിദാനീം
ഭീമബാഹുപരാക്രമശാലിനീ
ഭൗമദാനവചോദിതയാമൊരു
കാമരൂപിണിയാകും നിശാചരീ
സോമനേർമുഖിമാരെ ഹരിച്ചഹോ!
കൊണ്ടൽ വേണിമാരെക്കൊണ്ടുപോകുമ്പോൾ
കണ്ടു കാമിച്ചിതെന്നെയുമവൾ
അണ്ടർനായക, ഛേദിച്ചു ഞാനവൾ-
ക്കിണ്ടലേകുവാൻ നാസാകുചങ്ങളെ.
അന്നേരമവൾ കൊണ്ടങ്ങുപോയൊരു
കന്നൽനേർമിഴിമാരെയും വിട്ടുടൻ
ഇന്നു നിൻസവിധേ വന്നു ഞാനിതു
നന്ദിയോടു ഭവൽകൃപകൊണ്ടല്ലൊ
അരങ്ങുസവിശേഷതകൾ:
പതിവില്ല.