രാഗം:
താളം:
ആട്ടക്കഥ:
കഥാപാത്രങ്ങൾ:
കോട്ടയ്ക്കുള്ളിൽക്കടന്നിട്ടവനവിടവിടെച്ചുറ്റി നോക്കുന്നനെരം
തോട്ടത്തിൽ കുട്ടിമാൻ കണ്ണികളുടെ കളിയും രത്നസൗധപകിട്ടും
ആട്ടംപാട്ടോട്ടനെന്നീവകയുമഴകൊഴുക്കിട്ടപോൽക്കണ്ടു വല്ലാ-
തൊട്ടുക്കൊന്നത്ഭുതപ്പെട്ടമൃതനദിയിലാറാടി നിന്നോർത്തിതേവം
ഇല്ല നാഗരികഭംഗിതിങ്ങിയിതുപോലെ മറ്റു പുരമിങ്ങു ഞാൻ
തെല്ലുമാറ്റമിയലാതെ ശുദ്ധമറവന്റെമാതിരി ചരിപ്പതും
നല്ലതല്ല, മനുശക്തിയാലൊരുമനോഹരാകൃതിയെടുക്കണം,
ചെല്ലണം തദനു തമ്പുരാന്റെ തിരുമുമ്പിലിമ്പമൊടു തൽക്ഷണം
അരങ്ങുസവിശേഷതകൾ:
മലയൻ ദുര്യോധനന്റെ കോട്ടയ്ക്കുള്ളിലെ കാഴചകൾ കണ്ടാനന്ദിക്കുന്നു. അമൃതനദിയിൽ സ്നാനം ചെയ്യുന്നു. തന്റെ മനഃശ്ശക്തികൊണ്ട് തമ്പുരാന്റെ തിരുമുമ്പിൽ പോകനായി ഒരു മനോഹരരൂപം കൈക്കൊള്ളുന്നു. ദുര്യോധനസവിധത്തിലേക്ക് യാത്രയാവുന്നു.