രാഗം:
താളം:
ആട്ടക്കഥ:
കഥാപാത്രങ്ങൾ:
മൂർഖനായ നിന്നെയും നിൻ മുഷ്കേറും ഗജത്തേയും
ആർക്കിപുരേ ചേർപ്പനിന്നു നേർക്ക വന്നു പാർക്കാതെ
അർത്ഥം:
ദുഷ്ടനായ നിന്നേയും നിന്റെ മുഷ്ക്കേറുന്ന ആനയേയുമിന്ന് കാലപുരിയിൽ ചേർക്കുന്നുണ്ട്. നോക്കി നിൽക്കാതെ വന്ന് എതിക്കുക.
അരങ്ങുസവിശേഷതകൾ:
ശേഷം ആട്ടം-
രാമകൃഷ്ണന്മാർ കുവലയാപീഡത്തിനെ നേരിട്ട്, അതിന്റെ കൊമ്പുകൾ വലിച്ചൂരിയെടുത്ത് അതുകൊണ്ട് മസ്തകത്തിൽ പ്രഹരിച്ച് ആനയേയും, തുടർന്ന് ആനക്കാരേയും വധിക്കുന്നു.
രാമകൃഷ്ണന്മാർ ആനക്കൊമ്പുകൊണ്ട് ഹസ്തിപന്മാരെ വധിക്കുന്നു
ശ്രീകൃഷ്ണൻ:’ഇനി രംഗമണ്ഡപത്തിലേയ്ക്ക് കയറി മല്ലന്മാരെ നേരിടുകതന്നെ’
ആനക്കൊമ്പുകൾ ഏന്തിക്കൊണ്ട് നാലാമിരട്ടിയെടുത്ത് കലാശിക്കുന്നതോടെ രാമകൃഷ്ണന്മാർ പിന്നിലേയ്ക്ക് കാൽകുത്തിമാറി നിഷ്ക്രമിക്കുന്നു.
തിരശ്ശീല