രാഗം:
താളം:
ആട്ടക്കഥ:
കഥാപാത്രങ്ങൾ:
ദേവർഷിപുംഗവ! കേൾക്ക മേ ഗിരം
ദേവദനുജനതപദയുഗളം
ഭാവുകം പാണ്ഡുനന്ദനന്മാർക്കിന്നു
കേവലം വരുമില്ലൊരു സംശയം
ദേവദോഷമഖവും സുകരം
വിക്രമേണ ജയിച്ചു ധീരൻ രാജചക്രമഖിലവുമിന്നവൻ
ശക്രസൂനുസഹായവാൻ സുരചക്രതോഷണമഖവും ചെയ്യും
വിക്രമസഹിതാരാതിചക്രസൂദനാര്യനും
ചക്രപാണിയാം ഞാനും ശക്രപ്രസ്ഥേ വന്നീടാം.
(ശ്രീകൃഷ്ണൻ നാരദമുനിയെ ആദരവോടെ യാത്രയാക്കുന്നു. തിരിഞ്ഞു ദൂതനോട്-)
രാജദൂത നീ കേൾക്കണം ഗിരം
രാജവരരോടു ചൊല്ലണം
രാജസഞ്ചയവൈരിണം കൊന്നു
രാജകുലപരിപാലനം ചെയ് വൻ.
(ശ്രീകൃഷ്ണൻ ദൂതനെ യാത്രയാക്കുന്നു. ദൂതൻ രാമകൃഷ്ണന്മാരെ വന്ദിച്ച് മാറുന്നു. ശേഷം ബലഭദ്രനോട്-)
രാജവംശസഞ്ജാത രാജീവലോലനയന
രാജേന്ദ്രധർമനന്ദന രാജസൂയത്തിനു മുമ്പേ
പോക രാജസമാജസവിധേ
വേഗമോടു സൽഗുണനിധേ.
അരങ്ങുസവിശേഷതകൾ:
ആട്ടം
എന്നാൽ ഇനി വേഗം പുറപ്പെടുകയല്ലേ? ബലഭദ്രനേയും ഉദ്ധവാദികളേയും അയയ്ക്കുന്നു. തേര് വരുത്തി അതിൽ കയറി യാത്രയാകുന്നു