വാഴേങ്കട കുഞ്ചുനായർ സ്മാരക ട്രസ്റ്റിൻ്റെ ഔദ്യോഗിക വെബ്സെറ്റ് ആണ് കഥകളി. ഇൻഫോ. മൂന്നു ദശകങ്ങളിലേറെയായി കഥകളി രംഗത്തിൽ ക്രിയാത്മകമായ ഇടപെടലുകളിലൂടെ നിലനിൽക്കുന്ന വാഴേങ്കട കുഞ്ചുനായർ ട്രസ്റ്റിൻ്റെ പ്രവർത്തനങ്ങളിലേക്കുള്ള ഓൺലൈൻ ജാലകമായി കഥകളി.ഇൻഫോ പ്രവർത്തിക്കുന്നു. കഥകളിയുടെയും മറ്റ് കേരളീയ ക്ലാസിക്കൽ കലാരൂപങ്ങളുടെയും അവതരണങ്ങൾ, ശിൽപ്പശാലകൾ, പുരസ്കാരങ്ങൾ എന്നിങ്ങനെ പലതരം പ്രവർത്തനങ്ങൾക്ക് ട്രസ്റ്റ് നേതൃത്വം നൽകുന്നുണ്ട്. ഇവയുടെയെല്ലാം ഓൺലൈൻ മുഖം കഥകളി.ഇൻഫോയാണ്. കഥകളി സംബന്ധിയായ ലേഖനങ്ങളും സംവാദങ്ങളും മുതൽ കഥകളിയുടെ വ്യാകരണപരവും ഗവേഷണാത്മകവുമായ പദ്ധതികൾക്ക് വരെ കഥകളി. ഇൻഫോ നേതൃത്വം നൽകുന്നുണ്ട്. പ്രതിഫലേച്ഛയില്ലാത്ത ഒരു സംഘം കലാപ്രേമികളാണ് ഈ സംരംഭത്തിന് പിന്നിലുള്ളത്. കലാപ്രവർത്തനത്തിൽ തൽപ്പരരായ എല്ലാവരെയും കഥകളി.ഇൻഫോ സ്വാഗതം ചെയ്യുന്നു.