രാഗം:
താളം:
ആട്ടക്കഥ:
കഥാപാത്രങ്ങൾ:
വിശ്വൈക ധനുർദ്ധരവിജയ! മാമക വാചാ വിശ്വാസംവന്നില്ലെന്നാകിൽ
നിർജ്ജരലോകം നിശ്ശേഷം തിരഞ്ഞഞ്ജസാ
അച്യുതാന്തികേ ചെന്നന്വേഷിക്കണം ബാലകം
വിശ്വേശൻ ഗോവിന്ദന്റെ മറിമായങ്ങളറിവാനരുതാർക്കും
ഗമിക്കമാധവസവിധേ ഫൽഗുനവീര ലഭിക്കും ബ്രാഹ്മണസുതരേ.
അർത്ഥം:
ലോകത്തിലെ ഏകവില്ലാളിവീരനായ വിജയാ, എന്റെ വാക്കുകളാൽ വിശ്വാസം വന്നില്ലായെങ്കിൽ ദേവലോകം മുഴുവൻ തിരഞ്ഞുകൊള്ളു. അതിനുശേഷം ശ്രീകൃഷ്ണസമീപം ചെന്ന് ബാലരെ അന്വേഷിക്കണം. ലോകേശ്വരനായ ഗോവിന്ദന്റെ മറിമായങ്ങൾ ആരാലും അറിയാനാവുന്നതല്ല. ഫൽഗുണവീരാ, ശ്രീകൃഷ്ണസമീപം പോവുക. ബ്രാഹ്മണപുത്രന്മാരെ ലഭിക്കും.