രാഗം:
താളം:
ആട്ടക്കഥ:
കഥാപാത്രങ്ങൾ:
പാർത്ഥിവവര! ശൃണു വീര! യുധിഷ്ഠിര!
ധൂർത്തു പെരുത്തൊരു ധാർത്തരാഷ്ട്രന്മാരെ
പാർത്തീടാതിനി വെന്നു രണാങ്കണേ
പാർത്തലമിതു നീ പാലിച്ചീടും
അല്ലലശേഷം തീർത്തു, നിനക്കിഹ
കല്യാണങ്ങൾ വരുത്തുവനധികം
ഉല്ലാസേന വസിച്ചീടുക തവ
മല്ലാരാതിയിതിന്നു സഹായം
അർത്ഥം:
രാജശ്രേഷ്ഠനും വീരനുമായ ധർമ്മപുത്ര കേട്ടാലും. ദുഷ്ടത കൂടിയ കൗരവന്മാരെ ഇനി ഒട്ടും താമസിക്കാതെ യുദ്ധഭൂമിയിൽ ജയിച്ച് ഈ ഭൂമണ്ഡലം നീ വാഴും. നിനക്ക് ഇവിടെ സങ്കടമെല്ലാം തീർത്ത് അധികം മംഗളങ്ങൾ ഞാൻ വരുത്തുന്നുണ്ട്. നീ സുഖമായി വസിക്കുക. അക്കാര്യത്തിൽ മല്ലശത്രുവായ ഈ ഞാൻ നിനക്ക് തുണയായിട്ടുണ്ട്.