രാഗം:
താളം:
ആട്ടക്കഥ:
കഥാപാത്രങ്ങൾ:
രാമ രഘുവര രാമ മനോഹര
ശ്യാമളദേഹരുചേ ധീര
കാമരഥ വായുസൂനുചൊല്ലിക്കേട്ടു
നിൻചരിതമൊക്കെ ഞാൻ
ബാലിഭയം കൊണ്ടിവിടെ ഹതദാര-
നായ്‌വസിക്കുന്നേൻ ഞാൻ
ഭൂമിപാലശിരോമണേ നിന്നുടെ സഖ്യത്തെ
വാഞ്ച്ഛിക്കുന്നേനധികം
മത്തമതംഗജയാന ദശരഥ-
നന്ദന എനിയ്ക്കിപ്പോൾ
ഹസ്തം തന്നെന്നോടു സഖ്യം ചെയ്തീടേണം
അഗ്നിസാക്ഷിയായിട്ടു
അർത്ഥം:
അല്ലയോ രാമ ഹനൂമാൻ ചൊല്ലി നിങ്ങളുടെ ചരിത്രങ്ങൾ അറിഞ്ഞു. ബാലിയെ പേടിച്ച് ഞാനും ഇവിടെ വിഭാര്യനായി ജീവിക്കുന്നു. ഞാൻ നിന്നുടെ സഖ്യം ഇഷ്ടപ്പെടുന്നു. ഇപ്പോ എനിക്ക് കൈതന്നെ അഗ്നിസാക്ഷിയായി സത്യം ചെയ്യുക.