രാഗം:
തോടി
താളം:
ചെമ്പട
ആട്ടക്കഥ:
ലവണാസുരവധം
കഥാപാത്രങ്ങൾ:
ശ്രീരാമൻ
എങ്കിലോ മേ കണ്ടുകൊള്‍ക ബലം ഹേ ബാലന്മാരെ
എങ്കിലോ മേ കണ്ടുകൊള്‍ക ബലം
മംഗലമല്ലിതു മാമകനിന്ദയു-
മിംഗിതേന ധരിച്ചീടുവിന്‍ ബാലരേ
സംഗരം സുകുമാരശരീരിക-
ളായ നിങ്ങളോടു സംഗതമല്ലിതു
സായകജാലമെടുത്തിഹ ഞാനും
കായഭേദമപി ചെയ്തീടുമെങ്കില്‍
ഞായമല്ല അമര്‍ ചെയ്വതിന്നും ബത
പ്രായമല്ല മമ നിങ്ങളിതാനീം
നമ്മൊടു ചെയവതു മിന്നു നിനച്ചാല്‍
നന്മയോടു പറയുന്നതയുക്തം
ദുര്‍മ്മദങ്ങളകറ്റീടുവതിന്നായ്
മര്‍മ്മമാശു പിളർന്നീടുവനിപ്പോള്‍
അരങ്ങുസവിശേഷതകൾ:
സാരംഗം പതിവുണ്ട്.
ശ്രീരാമന്‍ ബാലന്മാരോടു കുറച്ച് സമയം യുദ്ധംചെയ്ത് തോറ്റതായി നടിച്ച് പിന്മാറുന്നു.
ചെറിയ ഒരു ആട്ടം:-
കുശന്‍ – ഇനിയും ശത്രുക്കള്‍ കുതിരയ്ക്കായ് വരും. നമുക്ക് ഇവിടെ തന്നെ ഒളിഞ്ഞ് നില്‍ക്കാം.
തിരശ്ശീല