രാഗം:
താളം:
ആട്ടക്കഥ:
കഥാപാത്രങ്ങൾ:
ഇത്ഥം പറഞ്ഞു ശിബികാമധിരുഹ്യ തൗ ദ്വൗ
സൗമിത്രി മിത്രതനയൗ രഘുവീരവാസം
ഗത്വാ തതശ്ചരണയോഃ പ്രണതൗ ച വീരൗ
ഉത്ഥാപ്യ തം കപിവരം നിജഗാദ രാമഃ
ഹേ സഖേ ശ്രൃണു മാമകവചനം ഹേ സഖേ
കാലമതിക്രമിക്കുന്നു വൈരിവധം ചെയ്‌വാനായ്‌
നാലുദിക്കിലും സൈന്യത്തെപ്രഷയദ്രഷ്‌ടുംവൈദേഹിം
അർത്ഥം:
ശ്ലോകാർത്ഥം:-ഇപ്രകാരം പറഞ്ഞ അവർ രണ്ട് പേരും (ലക്ഷ്മണനും സുഗ്രീവനും) പല്ലക്കിൽ കയറി ശ്രീരാമസമീപം ചെന്ന് അദ്ദേഹത്തിന്റെ കാലടികളിൽ നമസ്കരിച്ചു. അവരെ എഴുന്നേൽപ്പിച്ച് ശ്രീരാമൻ വാനരശ്രേഷ്ഠനായ സുഗ്രീവനോട് പറഞ്ഞു.
പദം:-അല്ലയോ കൂട്ടുകാരാ, എന്റെ വാക്കുകൾ കേട്ടാലും. ശത്രുവിനെ കൊല്ലുവാൻ കാലതാമസം നേരിടുന്നു. സീതയെ കണ്ടുപിടിക്കാനായി നാലുദിക്കുകളിലേക്കും സൈന്യത്തെ അയക്കുക.