രാഗം:
ആട്ടക്കഥ:
സുലളിതപദവിന്യാസാ
രുചിരാലങ്കാരശാലീനീമധുരാ
മൃദുലാപിഗഹനഭാവാ
സൂക്തിരിവാവാപസോർവശീവിജയം
അർത്ഥം:
ഏറ്റവും ലളിതമായ പദവിന്യാസത്തോടുകൂടിയവളും, മനോഹരമായ അലങ്കാരങ്ങള്‍ കൊണ്ട് ശോഭിക്കുന്നവളും, മാധുര്യഗുണശീലയും, കണ്ടാല്‍ മാര്‍ദ്ദവമുള്ളവളെങ്കിലും ഉള്ളില്‍ കടുപ്പമുള്ളവളുമായ ഉര്‍വ്വശി സുന്ദരമായ കവിതയെന്നപോലെ വിജയസമീപം ചെന്നു.
ഈ ശ്ലോകത്തിലെ കൽപ്പനകൾ കോട്ടയത്തു തമ്പുരാന്റെ രചനാസവിശേഷതകളെക്കുറിച്ചുള്ള നിരീക്ഷണങ്ങളിൽ പണ്ഡിതർ പലപ്പോഴും എടുത്തുപറഞ്ഞവയാണ്.