രാഗം:
താളം:
ആട്ടക്കഥ:
കഥാപാത്രങ്ങൾ:
പ്രാണസഖ ! നിന്നുടയ പ്രാണസഖിയോടുചേർ-
ന്നാകര്‍ണ്ണനം ചെയ്ക കര്‍ണ്ണശപഥം
സാക്ഷിയാക്കീടുന്നു മമ താതനെ ജഗല്‍ –
സാക്ഷിയാമാദിത്യഭഗവാനെ
ജനനിയെ ഭവാനായ് പരിത്യജിക്കുന്നു ഞാ-
നനുജരാമൈവരെയുമിതു സത്യം !
അര്‍ജ്ജുനനുമൊന്നിച്ചു വസുധയില്‍ വാഴുകി-
ല്ലിജ്ജനമിനിമേലിലിതു സത്യം !
വീര്യ സ്വര്‍ഗ്ഗത്തില്‍ നിന്മുന്നില്‍ ഞാനെത്തിടും
ദുര്യോധനാ ! സത്യമിതു സത്യമിതു സത്യം !
ഇതു കര്‍ണ്ണശപഥം, ഇതു കര്‍ണ്ണശപഥം, ഇതു കര്‍ണ്ണശപഥം.
അരങ്ങുസവിശേഷതകൾ:
ചമ്പ താളത്തില്‍ ദ്രുതഗതിയില്‍ പ്രത്യേകമായി സംവിധാനം ചെയ്ത വീരരസദ്യോതകമായ സംഘനൃത്തം ചെയ്ത് കൊണ്ട് കര്‍ണ്ണനും ദുര്യോധനനും ദുശ്ശാസനനും രംഗത്ത് നിന്ന് നിഷ്ക്രമിക്കുന്നു .
കർണ്ണശപഥം സമാപ്തം.