രാഗം:
താളം:
ആട്ടക്കഥ:
കഥാപാത്രങ്ങൾ:
കലുഷകരം സുഖനാശനമെന്നും
കലഹത്തിന്നൊരു കാരണമെന്നും
കലയേ മാര്‍ഗ്ഗനിദര്‍ശകമെന്നും
കലയേ ഞാനിഹ ദേവനകര്‍മ്മം
എങ്കിലുമിന്നിഹ ഭൂപതിമാര്‍ക്കിഹ
പങ്കജസംഭവകല്പിതമല്ലോ
ശങ്കകളഞ്ഞു കളിച്ചീടുന്നേന്‍
പങ്കജലോചനപാദം ശരണം
സഹജസുയോധന ശകുനേ മാതുല
ചതിയിതിലരുതരുതേ
അർത്ഥം:
ചൂതുകളി കലുഷകരവും സുഖനാശകവുമാണെന്നും, കലഹത്തിന് ഒരു കാരണമാണെന്നും, കലിക്ക് മാര്‍ഗ്ഗം കാണിക്കുന്നതാണന്നും ഞാന്‍ ഇവിടെ കരുതുന്നു. എങ്കിലും ഇത് ഭൂപതിമാര്‍ക്ക് ബ്രഹ്മദേവകല്പിതമായുള്ളതാണല്ലോ. അതിനാല്‍ ശങ്കകളഞ്ഞ് കളിച്ചീടുന്നേന്‍. പങ്കജലോചനന്റെ പാദം ശരണം. സഹോദരനായ സുയോധനാ, മാതുലനായ ശകുനേ, ഇതില്‍ ചതി അരുതേ.