രംഗം പന്ത്രണ്ട്‌:താന്നിമരച്ചുവട്‌
രാഗം: പൊറനീര
താളം: ചെമ്പട
ആട്ടക്കഥ: നളചരിതം മൂന്നാം ദിവസം
കഥാപാത്രങ്ങൾ: കലി
പല്ലവി:
ക്ഷമിക്കവേണമേ അപരാധം, ശക്തി-
ക്ഷയവാനോടോ വേണ്ടൂ വിരോധം?
അനുപല്ലവി:
ശമിക്ക നിൻ കോപം ഭൂപ, കലി ഞാൻ മലിനൻ,
ബലക്ഷയവാനെങ്കിലും ബലി ഞാൻ.
ചരണം 1:
ബലമെന്തു? മറ്റൊന്നല്ലേ ബത! മേയുലകിൽ,
നളിനാസനലിപിവൈകൃതമേ,
ഫലമെന്തു? ദുശ്ശീലശതമേ, ലോകേ
ഭവദശക്യനിധനന്മാർ കഥമേ?
അർത്ഥം:
സാരം:
എൻ്റെ അപരാധം പൊറുക്കണം. ശക്തിക്ഷയിച്ചവനോട്‌ എന്തിനാണ്‌ വിരോധം! അങ്ങയുടെ കോപം ശമിക്കട്ടെ. കലി എന്നു ഞാൻ മലിനൻ ആകുന്നു. ബലം ക്ഷയിച്ചവനെങ്കിലും ഞാൻ ബലി വസ്തുവാണ്‌.