രാഗം:
താളം:
ആട്ടക്കഥ:
കഥാപാത്രങ്ങൾ:
ധരണീന്ദ്ര ചൊല്ലുവനഭിലാഷമതു
തരുമെന്നു ദൃഢമായി ചൊല്ലിയല്ലോ
പൊരുതായിട്ടൊരു യാഗം ചെയ്‌വതിനായങ്ങു
തരസാ കോപ്പുകള്‍കൂട്ടി ഇങ്ങുവന്നേന്‍
അജനന്ദന ദശരഥ നൃപതേ ജയ
ചാരുശീല വീര രിപുമര്‍ദ്ദന
അതിനെ മുടക്കീടുന്നിരുവര്‍ നിശാചര-
രതിഭീമബലമുള്ളവര്‍കളല്ലോ
അഭിധാനമവര്‍ക്കു മാരീചനെന്നു പിന്നെ
അഭയനായുള്ള സുബാഹുവെന്നും
അമരേന്ദ്രസമവീര്യ നിശിചരരെ കൊന്നി
ട്ടമലമാമെന്റെ യാഗം സാധിപ്പാനായി
സുമഹാപരാക്രമനായ നിന്റെ സുതന്‍
ശ്രീരാമനെക്കൂടെയയച്ചീടേണം
മതിമാന്‍ പരാക്രമിയായ വീര നീ
അധികം സത്യസന്ധനായുള്ളവനല്ലോ
സോദര്യനാകിയ ലക്ഷ്‌മണനോടും
സുതനായ രാമനെ കൂടെയയയ്‌ക്ക