ആട്ടക്കഥ:
സരിദധിപഗഭീരം സാദരം മേരുധീരം
സുനയമകുടഹീരം സൂരിചിത്താബ്ജസൂരം
വിമലമതിവിചാരം വൈദ്യശാസ്ത്രാർത്ഥസാരം
പിതരമഹമുദാരം ഭാവയേ തം സദാരം
ഭൂയാസ്താം ഭൂരിഭൂത്യൈ സ്ഫുരദമൃതകരാവാദ്യവൈദ്യാവവിദ്യാ
ദുഃഖച്ഛേദൈകദക്ഷാവരിദരകമലാദ്യുല്ലസത്പഞ്ചശാഖൗ
നിത്യൗ വേദാന്തവേദ്യൗ ശുഭതരപനസാന്ദോളികാഖ്യാലയസ്ഥൗ
സന്താപാന്താവനന്തോരഗകലിതതനു രുദ്രധന്വന്വന്തരീ നഃ
അംഭോജേക്ഷണശംഭുഡിംഭമുരുഭം സംഭഗ്നജംഭദ്വിഷ-
ഡ്‌ഡംഭം ഭൂതപതിം പ്രഭേശമൃഷിഹൃച്ഛുംഭത്പദാംഭോരുഹം
സാംഭോംഭോദനിഭം ത്രിലോകഭവനാരംഭപ്രിയം ഭാവുക-
സ്തംഭം ഭദ്രവയസ്കരായതനമസ്തംഭായ സംഭാവയേ
വൈദ്യേന്ദ്രസ്സുപഥം നിജേന പനസാന്ദോളാധിരൂഢശ്ചരൻ
നാമ സ്വക്രിയയാ വയസ്കര ഇതി പ്രാപ്തോ നവം മംഗളം
യസ്തസ്യോരുയശാസ്സുതോജനി ഹരിഃ ശ്രീരാര്യനാരായണ-
സ്തത്പുത്രോദിതമത്ര പാർത്ഥചരിതം സന്തഃ പുനന്ത്വാദരാത്