രാഗം:
താളം:
ആട്ടക്കഥ:
കഥാപാത്രങ്ങൾ:
മാതാവു ചൊന്ന മൊഴികേട്ടു മുകുന്ദനേവം
ആനീതവാൻ ക്ഷണമപത്യമനുപ്രവിഷ്ടാം
ഗോലോകപാലന കഥാമൃതഗീതസക്താം
യദ്ദേവകീസവിധമത്ര സതീം യശോദാം
ദേവകീദേവി, പാവനചരിതേ!
സാദരം തൊഴുന്നേൻ, യശോദ ഞാൻ
ചാപപൂജകാണ്മാൻ വ്രജവാസികൾ വയം – ബല
രാമകൃഷ്ണന്മാരോടും ആഗമിച്ചിവിടെ
രോഹിണീസുതൻ ബലരാമനും മാമക
പ്രാണാധാരൻ കൃഷ്ണനും സുകൃതിനീ,
താവക തനൂജന്മാരെന്നു ജാനേ നിയതം
അരങ്ങുസവിശേഷതകൾ:
ദേവകി വലതുവശം പീഠത്തിൽ ഇരിക്കുന്നു. യശോദ പ്രവേശിക്കുന്നു. 2 കിടതകധീംതാം. കൃഷ്ണനെ എന്നെന്നേയ്ക്കുമായി തനിയ്ക് നഷ്ടപ്പെടുകയാണ് എന്ന വിചാരത്താൽ ഉള്ളിൽ നിറഞ്ഞ വിഷാദത്തോടും, എന്നാൽ ദേവകിയെ കാണാനുള്ള ഔത്സുക്യത്താലുള്ള പ്രസന്നഭാവത്തോടും പ്രവേശിച്ച് ദേവകിയെ കണ്ട് വന്ദിച്ച് പദം.