രാഗം:
താളം:
ആട്ടക്കഥ:
കഥാപാത്രങ്ങൾ:
കാമം സുദാമാർപ്പിത ദാമജാലം
പ്രേമാകുലാത്മാധൃതവാൻ പ്രയാന്തീം
ശ്രീമാൻ ഗൃഹീതാംഗവിലേപപാത്രീം
രാമാനുജ പ്രാപ്യ ജഗാദ കുബ്ജാം
കാമിനി സൈരന്ധ്രി ബാലേ ചാരുശീലേ
വാമനേത്രേ ശൃണു പരമാനുകൂലേ
എങ്ങുനിന്നു വരുന്നതുമിന്നു വേഗം
മംഗലാംഗി ചൊൽക നീ മോദേന സാകം
അർത്ഥം:
ശ്ലോകസാരം:-സുദാമൻ സമർപ്പിച്ച മാലകൾ സ്നേഹപൂർവം വേണ്ടത്ര ധരിച്ചതിനുശേഷം ബലരാമസഹോദരനും ശ്രീമാനുമായ ശ്രീകൃഷ്ണൻ കുറിക്കൂട്ടുകളുള്ള പാത്രവുമായി പോകുന്ന കുബ്ജയെ സമീപിച്ച് ഇങ്ങിനെ പറഞ്ഞു.
പദസാരം:-മനോഹരീ, സൈരന്ധ്രീ, ബാലികേ, മനോഹരശീലേ, മനോഹരനേത്രേ, ഏറ്റവും പ്രിയമുള്ളവളേ, കേട്ടാലും. മംഗളമായ ശരീരത്തോടുകൂടിയവളേ, ഇന്ന് എങ്ങുനിന്ന് വരുന്നു എന്ന് നീ സന്തോഷത്തോടുകൂടി വേഗത്തിൽ പറഞ്ഞാലും.
അരങ്ങുസവിശേഷതകൾ:
ഇടംകൈയ്യിൽ കുറിക്കൂട്ടുനിറച്ച പാത്രവുമേന്തി കൂനിയായ കുബ്ജ വടികുത്തിപ്പിടിച്ചുകൊണ്ട് ഇടതുഭാഗത്തുകൂടിയും രാമകൃഷ്ണന്മാർ വലതുവശത്തുകൂടിയും പ്രവേശിക്കുന്നു. പരസ്പരം കാണുന്നതോടെ ശ്രീകൃഷ്ണൻ പദാഭിനയം ആരംഭിക്കുന്നു.