രാഗം:
താളം:
ആട്ടക്കഥ:
കഥാപാത്രങ്ങൾ:
അഥ സമാഗതമാശു വിലോക്യ തം
മധുരിപും സഹലിം സമഹോക്തിഭിഃ
അജിതമാശ്രിതകല്പതരും ഹരിം
നിജഗദേ പ്രണിപത്യ പൃഥാസുതഃ
ചരണം 1
ശരണം ഭവ സരസീരുഹലോചന
ശരണാഗതവത്സല ജനാര്‍ദ്ദന
[[ ശരദിന്ദുവദന നരകവിഭഞ്ജന
മുരദാനവമഥന ജനാർദ്ദന
ജയ ജയ ഗോവിന്ദ ജയ നാഥ മുകുന്ദ
ജയ ജയ ജനിതാനന്ദ ഹേ ജനാർദ്ദന ]]
ചരണം 2
കൌരവന്മാരുടെ കപടംകൊണ്ടിങ്ങനെ
പാരം വലഞ്ഞു ഞങ്ങള്‍ ജനാര്‍ദ്ദന
ചരണം 3
ബന്ധുജനങ്ങളില്‍ വാത്സല്യമില്ലായ്‌വാന്‍
ബന്ധമെന്തഹോ ഭഗവന്‍ ജനാര്‍ദ്ദന
[[ കരുണാസിന്ധോ കമനീയബന്ധോ
കാരണപുരുഷ വിഭോ ജനാർദ്ദന ]]
അർത്ഥം:
അഥസമാഗതമാശു:
ആ സമയത്ത് അപ്രതീക്ഷിതമായി ബലരാമനോടും യാദവന്മാരോടും കൂടി തങ്ങളുടെ സമീപത്ത് വന്നുചേർന്ന ശ്രീകൃഷ്ണനെ കണ്ട് പാണ്ഡവന്മാർ, ആരാലും ജയിക്കപ്പെടാത്തവനും ആശ്രിതന്മാർക്ക് കൽപ്പവൃക്ഷതുല്യനും ആയ അദ്ദേഹത്തെ നമസ്കരിച്ച് ഇപ്രകാരം പറഞ്ഞു.
ശരണം ഭവ:
താമരക്കണ്ണാ, ആശ്രിതവത്സലാ, അങ്ങ് ഞങ്ങൾക്ക് ആശ്രയം നൽകിയാലും. ദുര്യോധനാദികളുടെ ചതികൊണ്ട് ഞങ്ങൾ വല്ലാതെ വലഞ്ഞു പോയി. ബന്ധുക്കളായ ഞങ്ങളിൽ വാത്സല്യം ഇല്ലാതിരിക്കുവാൻ എന്താണ് കാരണം ഭഗവാനേ?
അരങ്ങുസവിശേഷതകൾ:
ശ്രീകൃഷ്ണൻ വലത്തുവശത്ത് ഇരിക്കുന്നു. ധർമ്മപുത്രൻ ഇടത്തുവശത്തൂടെ കിടധികിതാം ഒപ്പം വന്ന് പതിനാറാം മാത്രക്ക് ശ്രീകൃഷ്ണനെ കണ്ട് വന്ദിച്ച് 24ആം മാത്രക്ക് കെട്ടിച്ചാടി കുമ്പിട്ട് പദം ആടുന്നു.
അനുബന്ധ വിവരം: