രാഗം:
താളം:
ആട്ടക്കഥ:
ആത്താനന്ദാതിരേകം പ്രിയതമസുചിരാകാംക്ഷിതാലോകലാഭാൽ
കാൽത്താർ കുമ്പിട്ടിവണ്ണം കളമൊഴി പറയും വാക്കു കേട്ടോരുനേരം
ആസ്തായം സ്വൈരിണീസംഗമകലുഷലവാപാചികീർഷുസ്തദാനീ-
മാസ്ഥാം കൈവിട്ടുനില്ക്കും നളനൊരു മൊഴികേൾക്കായിതാകാശമദ്ധ്യേ
അർത്ഥം:
സാരം: വളരെ കാലമായി ആശിച്ചിരുന്ന വല്ലഭദർശനത്തിന്റെ ലാഭത്താൽ സന്തോഷിച്ച്‌ ദമയന്തി കാല്ക്കൽ വീണു കൊണ്ടു പറഞ്ഞ ഈ വാക്കു കേട്ടപ്പോൾ ഈ നളൻ `സ്വൈരിണി`യുടെ സംഗമത്താലുണ്ടാകുന്ന പാപത്തെ നീക്കാൻ മാർഗ്ഗം ചിന്തിച്ചു കൊണ്ടു നിന്നു. അപ്പോൾ ഒരു അശരീരിവാക്കു കേൾക്കുമാറായി.
(നളൻ അശരീരിവാക്കു കേൾക്കുന്നു.)
അരങ്ങുസവിശേഷതകൾ:
അശരീരി വാക്യം ആണ്.