രാഗം:
താളം:
ആട്ടക്കഥ:
കഥാപാത്രങ്ങൾ:
സ്വാമിന്‍ വാനരന്മാരെ ഞാന്‍ ദിക്കുകളിലേയ്‌ക്കയക്കുന്നേന്‍
ഭീമബല ജാനകിയെ അന്വേഷിപ്പതിനായി
അംഗദനും ജാംബവാനും മാരുതിയാകും ഹനൂമാന്‍
തുംഗബലവാനാം നീലന്‍ ഗന്ധമാദനന്‍ സുഷേണന്‍
കേസരി നളന്‍ കുമുദന്‍ കേസരിസംകാശന്‍ ഗജന്‍
ഗവയന്‍ ഗവാക്ഷന്‍താനും മൈന്ദനും വിവിദന്‍താനും
ഈ വണ്ണമനേകം ജാതി വാനരസൈന്യങ്ങള്‍ വന്നു
എല്ലാരേയും ദിക്കുകളില്‍ ചൊല്ലിയയച്ചീടുവന്‍
(ഹേ സഖേ വന്നുവാനരസൈന്യം)
അർത്ഥം:
അല്ലയോ ശക്തിമാനായ ശ്രീരാമസ്വാമിൻ, സീതാദേവിയെ തിരയുന്നതിനായി ഞാൻ പലദിക്കുകളിലേക്കും മർക്കടന്മാരെ അയക്കുന്നുണ്ട്. അംഗദൻ, ജാംബവാൻ,വായുവിന്റെ മകനായ ഹനൂമാൻ,അതിശക്തനായ നീലൻ, ഗന്ധമാദനൻ, സുഷേണൻ തുടങ്ങിയവരടക്കം പലജാതി വാനരസൈന്യങ്ങൾ എത്തി കഴിഞ്ഞു. എല്ലാവരേയും ഓരോദിക്കുകളിലേക്കായി പറഞ്ഞയക്കാം.